سياسة الخصوصية

ستوديو حيدر مهدي للتصوير — كربلاء · آخر تحديث: 23 تشرين الأول 2026

الموقع

• تصفّح الموقع يحتاج موافقتك: أول ما تدخل تطلعلك رسالة ترحيب نذكر بيها إننا نتذكّرك لما ترجع، والموقع يفتح بعد ما تضغط «تمام، وريني الباقات». هذي الصفحة تگدر تقراها قبل ما توافق.
• إذا ضغطت «تمام، وريني الباقات»: رقم عشوائي بموبايلك حتى نتذكّرك لما ترجع، والصفحات والباقات اللي تشوفها، محادثتك ويّا المساعد الذكي، مدينتك التقريبية، الإعلان اللي جابك، تاريخ مناسبتك إذا اخترته، ورمز قصير (٣ أحرف) بآخر رسالة الواتساب — بدون اسمك ولا رقمك.
• إذا تركت اسمك ورقمك: نستعملهن بس حتى نتواصل وياك بخصوص الحجز. وإذا كنت موافق، ميتا (فيسبوك وانستغرام) تعرف إنك زرت موقعنا وتركت طلب — رقمك يوصلها مشفّر — حتى نحسّن إعلاناتنا.
• إشارة «Global Privacy Control» بمتصفحك نعتبرها رفض لكلشي — الموقع يفتحلك بلا سؤال وبلا أي تتبع.

رسائل الانستغرام والماسنجر

لما تراسلنا على صفحتنا بفيسبوك أو حسابنا بالانستغرام، نستلم رسالتك عن طريق أدوات ميتا الرسمية حتى نرد عليك (ردود تلقائية وأسئلة متكررة)، ونحتفظ بنسخة من المحادثات عدنا حتى نفهم شنو يسألون الزبائن ونحسّن ردودنا وعروضنا. ما نبيع ولا نشارك رسائلك ويّا أي جهة.

منو يشوف معلوماتك

بس الاستوديو. نستعمل خدمات تقنية تحفظ البيانات نيابةً عنا (Cloudflare للموقع، وميتا للرسائل والإعلانات)، وما نبيع معلوماتك لأحد.

شكد نحتفظ بيها وشلون تحذفها

المعلومات تبقى محفوظة لحد ما تطلب حذفها. حتى تحذفها: راسلنا على الواتساب أو الانستغرام (@haider_photography) واكتب «احذف معلوماتي»، ونحذف كل شي مربوط بيك خلال 30 يوم ونبلغك.

التواصل

ستوديو حيدر مهدي — كربلاء، حي الحسين، شارع المصلحة · 07813221113 · 07702064406